Jasorat munosib taqdirlandi: Vobkentlik profilaktika inspektoriga muddatidan oldin “mayor” unvoni berildi Inson hayotini saqlab qolish — ichki ishlar organlari xodimining eng oliy burchidir. Joriy yilning 29-yanvar kuni Buxoro viloyati Vobkent tumanida oʻz xizmat vazifasini oʻtayotgan profilaktika inspektori haqiqiy qahramonlik namunasini koʻrsatdi. U daryoning muzdek suviga oʻzini tashlab, oʻz joniga qasd qilmoqchi boʻlgan 4 nafar farzandning onasini soʻnggi soniyalarda qutqarib qoldi. Oʻz hayotini xavf ostiga qoʻyib, fidoiylik koʻrsatgan Vobkent tumani IIB Jamoat xavfsizligi xizmati Huquqbuzarliklar profilaktikasi boʻlinmasi inspektori, kapitan Rasulov Amrillo Temir oʻgʻli munosib taqdirlandi. Oʻzbekiston Respublikasi Ichki ishlar vazirining buyrugʻiga asosan, favqulodda vaziyatda koʻrsatgan jasorati, qatʼiyati va kasbiga sadoqati uchun kapitan Amrillo Rasulovga muddatidan oldin “mayor” maxsus unvoni berildi. Bu kabi mard xodimlarimizning fidokorona xizmati tizimning shaʼni va xalqimiz osoyishtaligining mustahkam kafolatidir. ——— Жасорат муносиб тақдирланди: Вобкентлик профилактика инспекторига муддатидан олдин «майор» унвони берилди Инсон ҳаётини сақлаб қолиш — ички ишлар органлари ходимининг энг олий бурчидир. Жорий йилнинг 29 январь куни Бухоро вилояти Вобкент туманида ўз хизмат вазифасини ўтаётган профилактика инспектори ҳақиқий қаҳрамонлик намунасини кўрсатди. У дарёнинг муздек сувига ўзини ташлаб, ўз жонига қасд қилмоқчи бўлган 4 нафар фарзанднинг онасини сўнгги сонияларда қутқариб қолди. Ўз ҳаётини хавф остига қўйиб, фидоийлик кўрсатган Вобкент тумани ИИБ Жамоат хавфсизлиги хизмати Ҳуқуқбузарликлар профилактикаси бўлинмаси инспектори, капитан Расулов Амрилло Темир ўғли муносиб тақдирланди. Ўзбекистон Республикаси Ички ишлар вазирининг буйруғига асосан, фавқулодда вазиятда кўрсатган жасорати, қатъияти ва касбига садоқати учун капитан Амрилло Расуловга муддатидан олдин «майор» махсус унвони берилди. Бу каби мард ходимларимизнинг фидокорона хизмати тизимнинг шаъни ва халқимиз осойишталигининг мустаҳкам кафолатидир. Telegram | Instagram | Facebook