“Реал Мадрид” бош мураббийи Жозе Моуриньони тайинлаш учун “Бенфика”га 15 миллион евро товон пули тўлайди. Бу ҳақда “Talksport” нашри хабар берди. 

Манбага кўра, португалиялик мураббийнинг Лиссабон клуби билан амалдаги шартномаси 2027 йил июнига қадар мўлжалланган эди. Аввалроқ, “Реал Мадрид” расмий сайти орқали Моуриньони бош мураббий этиб тайинлаганини эълон қилган. Унинг мадридликлар билан шартномаси 2029 йил 30 июнга қадар амал қилади.

Мутахассис бундан аввал 2010-2013 йилларда ҳам “Реал Мадрид”ни бошқарган. Унинг раҳбарлиги остида жамоа Испания чемпионлиги, шунингдек, Испания Кубоги ва Испания Суперкубогини қўлга киритган.

Ўтган мавсумда “Реал Мадрид” Испания чемпионатини 86 очко билан иккинчи ўринда якунлади. Мадридликлар чемпион бўлган “Барселона”дан 8 очко ортда қолган эди.